3【學習語言無困難，愛敢講盡重要】
語言盡趣妙-(3)
當客家話(徙saiˋ過出兜哩..)
堵著 河洛話(屎saiˋ擱出哩...)
【話講】
一對新婚公婆;⋯⋯
新娘係客家人，新娘公係河洛人。
新婚之夜;兩儕睡在狹had狹had(狹窄)个眠床肚。
新娘睡裡背，新郎公睡在眠床垛外背。
兩儕圓身根本就尖著無辦法翻身!
新娘半夜嘴項就緊喊;新娘公
[拜託徙saiˋ過出兜哩...]。〈請挪開一點〉。
河洛老公一聽厥話煞變;[屎saiˋ擱出哩...]
(想屙屎哩!)。
伊就遽遽將圓身徙saiˋ出來，畀新娘過去屙屎。
仰知!
新娘本本無停動，還係緊喊:『徙saiˋ過出兜哩..!』。
該新郎公起勢盡有耐心，一直圓身在眠床頂高徙來徙去!
奈知?新娘還係緊喊;《徙saiˋ過出兜哩...》。結果煞害新娘公，新婚之夜，就橫落眠床腳下去吔!
阿喔!這只新郎公斯痛著愛毋得哩哪!
就氣噴噴發譴講：『妳歸暗晡緊喊“屎saiˋ擱出cudˋ哩”做麼个吓?
房間肚裡就有放“尿桶”，毋曉得自家過去屙喺?^_^
摎大自家講笑科分享。祈望大自家多多來講客。
祝福大家
``´♥(¯`´♥.¸________ღ☆ღ_________ ¸.♥´´¯)♥´´¯)
☆ ▓▒░☆ 開心滿點，心想事成 ☆░▒▓ ☆
(_¸.♥(_¸.♥´´ ¯¯¯¯¯¯¯¯ღ☆ღ¯¯¯¯¯¯¯¯¯ `´♥.¸_
文章標籤
全站熱搜
留言列表
