人生笑笑，笑笑看人生
吾爸可能係單丁子，有傳到危機觀念，對死亡特別有認同感受。
見擺聽到人家過身，屋下無人就遽遽去同人ten手，大家都笑佢『山牛~您毋驚死嗬?』
佢就會同人講：大家就會死有麼介有驚?
還會堵人：您仰般驚人死將來人乜共樣驚妳死!
若寡寡恁迷信無人搭，一抹煞人全囥淨閃淨俐，搣到過身者就愛放畀老鼠咬還衰過喲!
還生趣吔!
伊這種觀念反正大家總會死亡介思想，自家乜事前早早就請人為佢畫一幅老人家相，
吊在人客廳个壁項分人看，伊講啊：目的無想，到時節吊出來嚇人啦!
看來要避免過度悲傷只有恁樣做哩。
平常時心態愛康健理性看待死亡。
當做人死忒係『辦喜事!』祝福伊解脫係嶄蠻先進介思想喲!
最近在網路看到；台灣經濟既經行入多元文化M型社會，房地產出現千萬豪宅，還有連『大家樂』乜有人幸運著10幾億話題，有錢人越來越多，所得兩極化中產階級漸漸消失。長壽族群來臨咧，生化電子科技潮流興起，e時代人口少子化，有錢人毋想降，無錢人更毋敢降出生率降低問題滿滿!
看到這時代進步帶來繁榮，卻帶來恁多家庭轉型，現代婦女上班多，獨居老人增加，愈來愈多老人摎細子，無人照顧个問題輒常登上報紙。聯帶文明病出籠，中風、癌症、老人癡呆症、精神恐慌症、憂鬱症、安養院、外籍新娘、專業看顧、外籍勞工、安寧病房一一出現。
政府開始注重這兜問題，加強心理教育。紛紛推出生命教育、生死學、心理學。
希望教導更多人正確面對死亡，尊重性命，做好心理教育!
畀大家身心健康，減少社會問題，人倫悲劇產生。
甚至有殯葬社組成企業，對高齡化少子化，死亡係一種生態市場，注重環保，避免亂葬危害地球、連頭牲仔『寵物靈骨塔』都有販賣。電視廣告節目大方賣『靈骨塔』生理，目的係分人預先選擇陰宅地理品質，講究有專業性管理，祭拜骨灰所在。推銷『生前契約』品質服務，包括有『棺材』、『專業禮儀師』為死者化妝，包辦方式合個人需求信仰選擇；隨人選擇火葬、土葬、樹葬、海葬全係嶄蠻先進个流行，還進步到西式BMW禮車服務，有冷氣載送毋係載豬哥車囉!旣經有受到大眾百性接納預約，將『靈骨塔』、『生前契約』書，通膨買轉放屋下【保險箱】摎【房間肚】囉!再無人嫌會無吉祥咧啦！
這係新時代摎舊時代差別个地方，只能形式變化一下咧定!將大體積棺材縮小成合約書咧!目的全部共樣爭差花樣改變人就肯接受哩啦。笑笑看人生【幽默自家乜幽默他人】。幽默力量好處多：當人在心情鬱悴時，使得藉講趣妙消除鬱悴摎痛苦，轉移注意力，摎精、氣、神、通概打通妙用無窮。人生總講【空空來、空空去】、【身體係有使用權，無所有權】个道理。
笑笑看人生人生笑笑『好好過日、珍惜性命、注重身體康健』。
保持心靈健康，煞忙打拼莫留遺憾！
。
摎大家分享
祝福大家
♥(¯`´♥.¸________ღ☆ღ_________ ¸.♥´´¯)♥´´¯)
☆ ▓▒░☆ 開心滿點，心想事成 ☆░▒▓ ☆
(_¸.♥(_¸.♥´´ ¯¯¯¯¯¯¯¯ღ☆ღ¯¯¯¯¯¯¯¯¯ `´♥.¸_
留言列表
