jane3765529的部落格

頭擺『乾隆皇』到江南私訪!

看到一隻農夫扌亥著钁頭，

伊挑勢同身邊个宰相『張玉書』講：這係麼个人啊?。

張玉書講：佢係只農夫!

乾隆又問：農夫个『夫』仰般寫？  

張玉書講：二橫一撇一捺!

轎夫、孔夫子、夫妻个夫、匹夫，都係恁仔寫个! 

乾隆皇聽到嗄緊搖頭講：

看哪你這只宰相喲~連只夫字个夫寫法都分毋清楚哩! 

乾隆皇講：

農夫个夫係刨土之人，上析愛先寫土字下析再加人字!

轎夫肩頭上有擔頭，應該先寫人字再加二隻竹竿!

孔老夫子上通天文下知地理，這個夫字乜愛先寫天字出頭!

公婆係只兩人，就先寫二字後再加人字!

匹夫係指大丈夫，這個夫字就愛先寫隻大字，再加一橫就著哩喲!

看哪對話還有意思哩!

可見中文用法不同寫法乜有差別，

使毋得一概攞攞合合做為一談哩喲!

摎大家趣味分享!! 

祝福大家

`´♥(¯`´♥.¸________ღ☆ღ_________ ¸.♥´´¯)♥´´¯)
☆▓▒░☆開心滿點，心想事成☆░▒▓☆
(_¸.♥(_¸.♥´´¯¯¯¯¯¯¯¯ღ☆ღ¯¯¯¯¯¯¯¯¯ `´♥.