【阿姆哀~若目珠又看走蹍哩!】
大早天時正略略仔打甫光,就分吾姆拖等厥寶貝塑膠凳仔吵醒哩。
吾屋家有上下班个人正當好睡兜,吾姆就醒吔哩!
ngaiˇ心肚揣想,吾姆著定係睡毋落覺,又愛徙厥寶貝塑膠凳仔去看電視哩哪! 心肚正愐想莫搭漦伊去,自然等伊自家屎胐坐懶,就會自家走去睡目哩!
但是心肚還係毋放心,ngaiˇ在眠床項詳細擘開目珠,看一下時鐘正四點半,奈知吾姆屎胐吂坐燒,嗄怙等柺杖仔矻矻硈硈行入ngaiˇ个房間肚,大嫲牯聲喊講『愛真!暗吔唷~好煮來食夜哩喲!』。
ngaiˇ黏時翻身失控大嫲聲將頭那殼,掩等被骨摎吾姆講;『阿姆啊!若目珠斯又看花哩喲,這下斯正大早四點半,您看到个係外背日頭花係日出啦!!!』。
摎大家分享!
祝福大家
★¸.•°*”˜˜”*°•.¸☆ ★ ☆¸.•°*”˜˜”*°•.¸★
☆(¯`*•.¸ . .好心情 幸運相隨. . ¸.•*´¯) ☆
★¸.•°*”˜˜”*°•.¸☆ ★ ☆¸.•°*”˜˜”*°•.¸★
☆´`•.¸¸.日日 開心 快樂 幸福 健康 ★.¸.•´`☆
備註:目珠看走蹍zanˋ哩: 指眼睛看花了
媽自從左右髖骨開刀後,年邁體衰長期臥床頭腦開始退化,常會將晨昏看顛倒。
文章標籤
全站熱搜