jane3765529的部落格

吾姆伊係美濃妹仔思想當保守，伊總斯春夏秋冬日日著到衫褲包塞塞〈包緊密〉，翕等皮膚〈衣服悶著〉，毋肯掀開厥衫褲，露出厥胸前个肚屎皮〈肚皮〉分人看到。

佢日日就愛燒材煮食去河霸洗衫，收冬時節還愛曬穀，搶穀冇pang〈用風車篩穀〉歸日汗流脈落〈汗流浹背〉，皮膚虐ngiogˋ削xiogˋ〈刺激〉難耐，其實歸家人乜做到撸牛樣仔，厥症頭一割禾曬穀就又癢又紅又腫又痛吔喲。

伊寡寡盡忍耐到伊佇du毋著diauˇ〈忍不住〉个時節， 就囥〈藏〉在房間肚偷捽目汁噭眵ziiˊ〈哭〉，就像伊發病仔乜還共樣，自家暗暗仔關門憑ben等denˋ〈靠著〉眠床垛〈床緣〉，刻耐仔自家盤panˇ水〈從鍋內舀水到房間〉，捽圓身〈擦澡〉糊goˇ个蛇藥膏〈塗藥〉哩!!

伊總斯跔giuˊ跔giuˊ羞羞xiuˊ〈畏縮〉，毋肯脫衫畀厥大細仔兩隻心臼〈媳婦〉洗身，在厥想法就盡愁人看著厥肚屎皮，恁大疤又恁賁punˊ賁〈厚厚〉會分人驚著棄嫌佢，好佳在〈幸好〉喲!佢降〈生育〉有兩隻細妹仔〈女生〉，會勸化伊，愛想法開化兜莫恁戇猴哩喲。

安慰伊看病摎伊洗秋〈洗乾淨〉，駛車仔遽遽帶伊去醫院治療，係無啊就盡衰過〈可憐〉哩使喲!!這係吾農家阿姆个苦處。

摎大家分享!

祝福大家`´♥(¯`´♥.¸________ღ☆ღ_________ ¸.♥´´¯)♥´´¯)
☆ ▓▒░☆ 開心滿點，心想事成 ☆░▒▓ ☆
(_¸.♥(_¸.♥´´ ¯¯¯¯¯¯¯¯ღ☆ღ¯¯¯¯¯¯¯¯¯ `´♥.¸_ 

註解：

蟹足腫係一種異常增生个疤痕組織，也就係「過度賁肥个疤痕」，係一種個人體質，好發於東方人摎黑人族群，並常發生在後生人身項。患者傷口寡寡會形成不斷增生个疤痕，紅腫疤痕無規則，看起來像蟹足，會痛、會癢。主要發生在肩頭、胸前、背囊、手臂、關節，雖然蟹足腫毋會致命，但對外觀影響卻可能畀病人失去自信。