客家劇（譮）唱本 @ jane3765529的部落格

3劉廷英賣身3

客家劇（譮）唱本
新竹竹林書局出版个客話（譮）唱本：有《梁仙伯祝英台歌》、《劉廷英賣身歌》、《曹安殺子為救母行孝歌》三種。

書衣雖然標記「廣東語」，其實係照頭擺日本時代官廳个講法，將客家人劃做廣東人，認為客家話就係廣東話个關係。這種「唱本」也做得喊做「歌書」，全係用傳統七言句寫成个；在文學作品分類上屬於所謂「敘事詩」个一種。內容上雖然有兜也講故事，但係並毋係所謂「傳記」類作品。有兜朋友見係看到這兜唱本就喊其「傳兒」或者講「傳兒」係一種統稱，其實就係客家民間說唱个「唱本」就像係河佬人个「歌仔册」。

有山歌詩个韻味。發現所講个「傳兒」應當係「串仔」，乜就係串連起來歌，一連串个歌詞个稱呼，係傳統客家口語个講法，唸唱个人有乞食調、木魚調、勸世文調~盡生趣哩!

傳統講法:對仔(詩詞/門聯)，令仔(謎猜)都是客家口語稱呼，「傳兒」-「串仔」。在有兜所在講作「連歌」「長歌」，多係客家民間說唱个唱本(較長个唱詞)有長短句，伴唱樂器無像台灣多用「鋸絃仔」難度較高/攜帶不易，多用打竹板/敲木魚，用簡便方式來唸唱。