承蒙親家摎且姆對恁遠來參加大細个婚禮!!
人摎人熟識係一種緣份,因爭台灣摎日本雙方大細兩儕相愛,恩正有機會結親家。
親家且姆您兩儕摎吾兜公婆歲數相當,雖然歇在日本、台灣生長環境不同,
毋過吾兜心肚全部有對大細滿滿个“愛”,故所恩有當多个話題分享,
親家且姆您兜係開化又樂線个人,感恩今生能熟識您來結親家,
您就像吾屋下人一樣親切,係吾兜兩公婆摎吾倈仔這生人介福氣哩!!
承蒙親家~承蒙且姆~畀吾兜人生路上又多吔好多個親人哩呦!
祝福:吾倈仔心臼
婚姻美滿,百年和合!!
★¸.•°*”˜˜”*°•.¸☆★☆¸.•°*”˜˜”*°•.¸★
☆(¯`*•.¸ . .圓滿人生 五子登科. ¸.•*´¯) ☆
★¸.•°*”˜˜”*°•.¸☆★☆¸.•°*”˜˜”*°•.¸★
☆´`•.¸¸. 早生貴子 五福臨門★.¸.•´`☆
文章標籤
全站熱搜
留言列表