吾姆媽安祥行忒人生盡尾个一段路程哩喲!
姆媽您仰會恁慶哩喲，使得保持您一向性格，從細細就在客家阿婆个肚屎肚裡恬恬吔來到人間 ，到長大成人吔後又恬恬仔行嫁 。再恬恬仔蓄一綱大細仔長大成人，等屋下責任作束忒!自家既經到七老八老哩，身體有各樣又總斯盡煞猛唱喏摎觀音菩薩講：『保庇您恬恬仔就在睡目中過身最好!』。
這下觀音菩薩斷真應驗吔若祈求 ，渡您恬恬仔安祥仔去極樂世界哩，姆媽您正經還慶哩喲!!
您對吾兜大細个教導吾兜會記得：愛『堅強、認真、快樂打拼作人!』
請姆媽放心啦，您轉去天頂享福，一群子孫共樣望『姆媽一路好行哩』 !!今生子哀情會永記心田吔。承蒙佛菩薩慈悲接引吾姆：『解脫苦海、往生極樂、到阿彌陀佛該跡享福』!!
文章標籤
全站熱搜
留言列表
