jane3765529的部落格

2014年新春過年您有想知『愛仰般轉運改運無啊？』!

佛說『運在自身莫遠求，好運只在汝心頭』！愛洗淨身心轉換心情，就係『佛教徒』心靈个除舊佈新。逐儕人个外表圓身面容會跈等歲數變老，毋過嗄最難佭伏个係自家个『習氣』摎內在个『心性』。

最近一年中『桃園佛教蓮社』建設方面，有用心作一息轉變，目的係希望摎民眾教學互動。『蓮社』僧侶信徒傳承个係：二千零年个『佛教精神』跈佛陀个教導方法。佛門有一句話講：「鐵打个常住，流水个僧」，這句話係講：『常住』就係寺廟，『流水僧』係形容出家人像流水一般會來來去去。意思係講：『佛、法、僧』不滅，伊兜斯會常住這個世間个。

『僧眾壽相』無常但建築使得保存，愛仰般畀『佛教蓮社』：能延續發揚弘法，利生功能，就係目前最大个主要考量。算來今年係『桃園佛教蓮社』開山創建一甲子60週年哩，在這一甲子中『住持和尚師父』摎眾蓮友大家都共同見證吔伊个老舊設備，故所於在新个一年中，有用心作一息建築變化，祈望有新个氣象新个調整、帶來新个轉向。

佛在『金剛經』中乜清楚講著四相：『我相、人相、眾生相、壽者相』。

每一個『相』都能審查身心有無除舊？有無迎新？在新个一年中，希望大家能自我調柔、對他人調柔，摎眾生廣結善緣多種福田，莫執著於世上外表好壞，能內修外化都係一種調整更新。

摎大家分享!!

祝福大家：2014年農曆新年快樂!!

╭╮☆╭╧╮╭╧╮╭╧╮╭╧╮╭╮☆
╰平╮║幸│║福│║快│║樂│╰健╮
☆╰安╘∞╛╘∞╛╘∞╛╘∞╛☆╰康