jane3765529的部落格

阿姆哀~若目珠又看走蹍哩！                       

大早天時正略略仔打甫光，就分吾姆拖等厥寶貝塑膠凳仔吵醒哩。
在屋家有上下班个人正當好睡兜，ngaiˇ心肝肚揣，吾姆著定係睡毋落覺又愛徙去看電視哩哪! 心肚愐想莫搭漦伊去，自然等伊自家屎胐坐懶，就會自家走去睡目哩!
ngaiˇ在眠床項詳細擘開目珠，看一下時鐘正四點半，奈知吾姆屎胐吂坐燒，嗄怙等柺杖仔矻矻硈硈行入ngaiˇ个房間肚，大嫲牯聲喊講『瑞真!暗吔唷~好煮來食夜哩喲!』。
ngaiˇ黏時翻身將頭那殼，掩等被骨摎吾姆講；『阿姆啊!若目珠斯又看花哩喲，這下斯正大早四點半，您這下看到个外背日頭花，該斯係日出啦!!!』。
摎大家分享

★¸.•°*”˜˜”*°•.¸☆ ★ ☆¸.•°*”˜˜”*°•.¸★
☆(¯`*•.¸ . .祝福您好心情 幸運相隨. . ¸.•*´¯) ☆
★¸.•°*”˜˜”*°•.¸☆ ★ ☆¸.•°*”˜˜”*°•.¸★

☆´`•.¸¸.日日 開心 快樂 幸福 健康 ★.¸.•´`☆

備註：目珠看走蹍zanˋ哩：指眼睛看花了
媽媽自從左右髖骨開過刀後，一年年邁體衰!!

加上無有朋友走動長期臥床故，頭腦開始退化，常會將晨昏看顛倒哩!!