過年期間家家屋下大魚大肉食兜芹菜好處多，芹菜伊一身係寶!
伊含有豐富个鉀離子摎纖維質，葉仔更含有豐富β胡蘿葡素、維生素B1、B2摎C。鉀離子對心臟功能有一定个幫助，纖維質能幫助腸仔轉動，伊營養豐富其中鈣、磷、鐵含量比其他葉菜都多。
芹菜有一種盡醹neuˇ个味緒，其實伊係一種類似酯類成份，這種味緒可促進食慾，有消除精神恍惚頭那痛个效果。
1 芹菜有降血壓作用，主要係因爭芹菜中含酸性降壓成分，臨床研究對原發性、妊娠性摎更年期高血壓均有效。
2.芹菜對動物有鎮靜作用，對人體乜能起安神作用，伊使得安定情緒消除躁煩。
3芹菜含有利尿成分利尿消腫。
4 芹菜係高纖維食物，伊有抗癌防癌功效，伊經過腸內消化作用產生一種木質素摎腸內脂物質，這類物質係一種抗氧化劑，高濃度時可抑制腸內細菌產生致癌物質，減少致癌物摎結腸粘膜接觸，達到預防結腸癌目的。
5 芹菜含鐵量盡高，能補充婦女經血損失，係缺鐵性貧血患者个佳蔬，能避免皮膚乾燥、面色無光華，可使目珠有神兼頭那毛烏金。
6.芹菜係輔助治療高血壓對血管硬化，神經衰弱患者，抑有輔助治療作用。
7.芹菜葉、莖含有揮發性物質，味緒盡香能增強人个食慾。芹菜汁還有降血糖作用。經常食兜芹菜，使得中和尿酸摎體內酸性物質，對預防痛風有盡好效果。
8.芹菜含有鋅元素係一種性功能食品，能促進人个性興奮，西方人稱伊係“夫妻菜”曾畀古希臘僧侶列為禁食。中醫師認為伊性質偏凉，故所建議婦女在懷孕前後無適合食特多芹菜。對男性朋友尤其廹切想得子个男性，因為芹菜偏涼會減少精蟲數量。就營養學來講，芹菜裡肚所含營養成份豐富，像鉀離子對心臟功能有幫助，可保護心臟故所伊係「好心」个食物哩。
另外鉀離子伊具有利尿效果，使得加速體內鈉離子排出，對更年期有高血壓患者有幫助。毋過愛注意个係有腰仔病〈腎臟病〉患者，就無適合攝取含過多鉀離子个食物，因爭伊兜無辦法將所攝取个鉀離子排出體外。
飲食愛適量、作息愛正常、勤於運動，係身體康健个不二法門哩喲!!
摎大家分享!!
祝福：
★¸.•°*”˜˜”*°•.¸☆★☆¸.•°*”˜˜”*°•.¸★
☆(¯`*•.¸ . 您好心情 幸運相隨. . ¸.•*´¯) ☆
★¸.•°*”˜˜”*°•.¸☆★☆¸.•°*”˜˜”*°•.¸★
☆´`•.¸¸.日日開心 快樂幸福 康健★.¸.•´`☆
留言列表
