jane3765529的部落格

朝晨大家在屋下食飽飯後，ngaiˇ就sungˋ吾姆去大湳仔廣豐公園散步 。
愐著自吾身體有各樣後，屋下就請隻菲傭來照顧吾姆老人家，吾兩子哀共下散步个次數就減少哩。

朝晨頭空氣盡好，吾兩子哀延路唇緊行緊講話，行無一下吔嗄看著一撴dunˊ榕樹仔分喇叭花遮zaˊ到塞塞還靚唷!

ngaiˇ順手就將伊翕起來，ngaiˇ摎吾姆講：【吾兜兩子哀還像榕樹同喇叭花唷!】。吾姆面項緊笑講：【風水輪流轉，頭擺伊乜盡艱苦渡ngaiˇ兜大哩啊!】。
ngaiˇ再摎吾姆講：這頭榕樹頂高个《牽牛花》還靚嗬？
吾姆講：這頭《榕樹頂个喇叭花》蓋靚!
ngaiˇ又再講這頭：《牽牛花 茄kioˇ仔色》盡靚嗬？
阿姆像教細人仔講話一般，盡耐心講：《喇叭花 吊菜色》過靚哩!
ngaiˇ兩子哀沿路呼吸新鮮空氣，沿路打嘴鼓。不知不覺測著心情還輕鬆快樂喲!
在吾兜兩子哀个目珠肚，所看著个公園花花樹樹草坪恁靚，日頭花又較go靚。
圓身面項吹著陣陣涼風，頭那斡頭看一下地泥項相偎靠个人影，係日頭光照著吾兩子哀相偎靠个人影，真裝還親像【榕樹同喇叭花】哩!
毋知大家目前人生路上【係頭長大个大榕樹使得分爺娘偎靠个人，抑係還盡後生需要偎靠大榕樹个喇叭花。】喺？

摎大家分享!
祝福大家：

☆¸.•°*”˜˜”*°•.¸☆ ★ ☆¸.•°*”˜˜”*°•.¸☆◆
╔╗╔╦══╦═╦═╦╗╔╗ ★ ★ ★
║╚╝║══║═║═║╚╝║ ☆¸.•°*”˜˜”*°•.¸☆
║╔╗║╔╗║╔╣╔╩╗╔╝ ★╮☆╭╮☆
╰平╮║幸│║福│║快│║樂│╰健╮
☆╰安╘∞╛╘∞╛╘∞╛╘∞╛☆╰康 ☆
╚╝╚╩╝╚╩╝╚╝═╚╝ ★☆★☆ ★☆

『註解』《牽牛花》摎《喇叭花》係ㄧ樣个花。
《茄kioˇ仔色》摎《吊菜色》係共色，係南部地方語言，兩種話都有人講。