jane3765529的部落格

 
恁久中秋正過，今年風搓又恁多，各色个青菜恁貴，連天時都跈等無正常漸漸轉冷吔喲。
畀人越至懷念頭擺唱這首馮輝岳先生寫作【月光華華】个童年歲月。

歌詞好聽輕鬆又趣妙：

【月光華華細妹煮茶，阿哥兜凳人客食茶，滿姑洗身跌忒手巾，麼人拈到細嫂拈到，愛還ngaiˇ 呀毋還ngaiˇ？大哥轉來會罵，細哥轉來會打，毋使打毋使罵，十七十八愛行嫁，嫁到奈？嫁到禾埕背，種韭菜韭菜花結親家，親家門前一口塘，畜介鯉嬤八尺長。長介拿來食，短介拿來討餔娘，討介餔娘矮嘟嘟，煮介飯呀香馞馞。討介餔娘高天天，煮介飯呀臭火煙。討介餔娘毛绒绒，煮介飯呀寡寡蟲。討介餔娘手路長，降介倈兒學掌羊。討介姑娘手路短，降介倈兒無核hag卵!】。

摎大家分享，好聽个【月光華華】童謠。

祝福大家

☆¸.•中秋快樂

°*”˜˜”*°•.¸☆ ★ ☆*°•.¸☆
╔╗╔╦══╦═╦═╦╗╔╗ ★ ★ ★
║╚╝║══║═║═║╚╝║ ☆¸.•°*”˜˜”*°•.¸☆
║╔╗║╔╗║╔╣╔╩╗╔╝ ★╮☆╭╮☆
╰平╮║幸│║福│║快│║樂│╰健╮
☆╰安╘∞╛╘∞╛╘∞╛╘∞╛☆╰康 ☆
╚╝╚╩╝╚╩╝╚╝═╚╝☆★☆★☆ ★☆