講一隻『命由自家作，福由心生』个古事，畀大家聽!－jane3765529的部落格

講一隻『命由自家作，福由心生』个古事，畀大家聽!
『話講』明朝『袁坤儀』先生係江南『吳江人』，原本姓黃字『坤儀』號『了凡』。早年伊原旦學醫，後來堵到『孔老先生』係邵康節門人，精通命理學術，伊一直鼓勵『袁坤儀』先生，愛煞猛讀書，講伊有做官个命。

孔老先生第一擺算『袁坤儀』个命就講：你去參加縣裡考試會考第14名，府裡个考試你會考第71名，省裡个考試你乜會考第9名。斷真第2年伊參加『縣省』摎『府裡』个考試兩項都錄取哩，名次乜確實符合孔先生个預言，故所伊就盡相信算命這件事情哩，伊就再勞煩請孔老先生幫伊卜卦：『終身吉凶禍福』。孔老先生又算定伊：某年伊參加考試會考第幾名，升麼介官前會領著1筆91石5斗米，某年還會昇做『縣長』做三年半『縣長』就辭官返鄉，算伊一生無降大細淨食到53歲8月14日丑時，壽終正寢死忒，斷真後來孔先生所算个事一一都靈驗哩。

畀『袁坤儀』先生盡相信：『生死有命，富貴由天』、『萬般皆有命，半點不由人』，故所伊對所有事物都看到盡淡，吂知伊嗄有一日去『棲霞山』尋『雲谷禪師』尞，『雲谷禪師』就摎伊講：『命由自家作，福由心生』个道理，講人多積善使得得『福』个方法。

伊轉去就盡煞猛照『雲谷禪師』个話做哩!發願愛作『善事3千功』。結果第二年他到北京參加禮部考試，該『孔先生』算伊會考第三名伊嗄考著第一名，畀伊測著『孔先生』个卦開始無准哩喲，伊心肚盡暢越煞猛行善，又再發願：『求子』伊愛繼續再作『3千功个善事』，到明朝『隆慶四年』伊考到『進士』皇帝封伊作『寶縣長』伊還一直『省食儉用』省下錢銀花在『施捨物品』『救濟窮人』、『助人急難』、『買物放生』、『打齋供僧』、『利益大眾』个事務上。

『孔先生』原旦算伊會無大細，壽年淨食到53歲定，結果伊嗄食到74歲。還降一隻貴子盡得人惜个細倈仔，後來厥倈仔乜共樣考到『進士』做吔大官哩。
摎大家輕鬆分享

『講古』之樂。
祝福大家

``´♥(¯`´♥.¸________ღ☆ღ_________ ¸.♥´´¯)♥´´¯)
☆ ▓▒░☆ 開心滿點，心想事成 ☆░▒▓ ☆
(_¸.♥(_¸.♥´´ ¯¯¯¯¯¯¯¯ღ☆ღ¯¯¯¯¯¯¯¯¯ `´♥.¸_