jane3765529的部落格

【話講】明朝有隻人安作『朱買臣』伊兩公婆靠賣柴過日，街市項人都盡同情伊係書生又恁煞猛讀書，看伊生活清苦，寡還會來摎伊交官買柴。
毋過乜有人笑伊係隻『大戇牯書呆』，連厥餔娘姐仔乜看毋起伊，勸伊改行莫過恁清苦个苦日仔，罵伊煞猛讀書斯讀毋到來食介啦!
朱買臣嗄講：『伊相信算命先生摎伊講伊50歲，一定會中狀元个話!』。厥餔娘姐仔毋相信還鬧兩儕歸咎『離緣』就走忒哩。

『朱買臣』心肚盡傷心，恁窮苦畀人看毋起，自家更煞猛讀書，結果到50歲斷真畀考著狀元哩，還畀『漢武帝』看中意封伊〈會稽太守〉。厥餔娘姐仔嗄嫁畀一隻造橋工人，打赤腳在摎人送飯。
朱買臣中著『狀元』有一日遊街鑼鼓轟天，厥餔娘看著心肚實在盡後悔，就走在街路項攬路跪下來摎『朱買臣』講：『伊甘願再倒轉作厥妾，服侍伊一生人好麼?』，『朱買臣』一聽就講著：【覆水難收】摎伊拒絕吔。

包尾厥餔娘就『見笑』著跳河灞自家自殺死忒哩喲!

摎大家輕鬆分享講古之樂。
祝福大家

★¸.•°*”˜˜”*°•.¸☆ ★ ☆¸.•°*”˜˜”*°•.¸★
☆(¯`*•.¸ . .圓滿人生五子登科. ¸.•*´¯) ☆
★¸.•°*”˜˜”*°•.¸☆ ★ ☆¸.•°*”˜˜”*°•.¸★
☆´`•.¸¸. 享受人生五福臨門 ★.¸.•´`☆

 乜有好朋友分享：【講頭擺朱買臣介厥餔娘，命帶七煞八敗，故所正會害朱買臣伊窮苦，還看朱買臣窮自家邀講要離婚嫁過有錢人，離婚後就嫁畀賣豬肉介頭家，頭家討伊後生意一直乜毋好又敗光離緣，離緣後又嫁另外一儕人，佢就講伊兩儕毋使辦結婚哩喲，免得以後離緣難尋證人，過後再聽到朱買臣考到狀元愛出來遊街，伊就去攬路求朱買臣收留伊，朱買臣毋答應佢，伊就自家撞厥馬下死哩喲!!】

承蒙大家來分享。   

祝福大自家身體康健!

新年快樂!

`´♥(¯`´♥.¸________ღ☆ღ_________ ¸.♥´´¯)♥´´¯)
☆ ▓▒░☆ 開心滿點，心想事成 ☆░▒▓ ☆
(_¸.♥(_¸.♥´´ ¯¯¯¯¯¯¯¯ღ☆ღ¯¯¯¯¯¯¯¯¯ `´♥.¸_