jane3765529的部落格

【話講】頭擺有隻『李文古』伊盡會搞笑係隻鬼靈精，腦筋盡好。

佢有一年牡丹花當開，約一群朋友到厥花園坐尞，有一隻朋友就邀講：「大家在這恁靚个花園坐尞，無吟詩還無意思哩喲？」。

伊就先出隻對仔講：「香花不靚，靚花不香，牡丹花又靚又香。」李文古隨口就對伊兜講：「響屁不臭，臭屁不響，蘿蔔屁又響又臭。」大家一聽，嘴角差一息笑竵feˋ〈歪〉忒哩!!

同時堵好『李文古』該年厥丈人老乜作71歲大生日，有盡多親朋好友都上門來摎伊恭祝。李文古偏偏自家在屋下寫一垤牌匾，用紅紙遮等!就喊人送去畀厥丈人老，故意走出四隻金字《真老烏龜》，厥丈人老一看，馬上氣噴噴仔將紅紙扯忒，正看清四行金字係「真真宰相，老老元臣，烏紗蓋頂，龜鶴遐齡」，隨時心情極暢到愛毋得哩喲，嘴像還緊褒獎伊自家个婿郎飽學吔!!

摎大家分享『笑科古事』!

祝福大家

★¸.•°*”˜˜”*°•.¸☆★☆¸.•°*”˜˜”*°•.¸★
☆(¯`*•.¸ . .圓滿人生  五子登科. ¸.•*´¯) ☆
★¸.•°*”˜˜”*°•.¸☆★☆¸.•°*”˜˜”*°•.¸★
☆´`•.¸¸. 享受人生   五福臨門★.¸.•´`☆