講一隻『秀才趕考』个古事，畀大家聽!
『話講』頭擺有隻秀才上京趕考，歇在一間店肚裡，考試前兩日伊嗄發吔三隻夢。
第一隻夢係夢到自家在壁項種白菜，第二隻夢係夢著伊落雨天，頭那戴笠嫲又手擎遮仔，第三隻夢係夢到伊同厥表妹，在眠床項圓身脫光光，背囊憑ben等denˋ〈靠著〉背囊。
第二日秀才就遽遽去尋算命先生解夢，算命先生一聽著，就連拍厥大裸鞞講：哀哉哪!你這擺著定斯無希望哩喲!你試愐想哪!高牆上種白菜毋係白費力喺heˋ？落雨天頭那戴笠嫲手又擎遮仔毋係多此一舉吔麼？摎你心愛个表妹圓身脫光光在眠床項，背囊憑ben等denˋ〈靠著〉背囊，毋係講兩儕無緣喺heˋ？
秀才一聽心灰意冷，倒轉店仔黏時包袱仔拿吔就準備退房，店頭家測著盡奇怪就問伊講：『你毋係天光日愛趕考喺?仰今晡日你就愛準備退房回鄉嗄』？
秀才就將伊半夜發夢个事情摎店主講一遍，店頭家一聽煞盡暢講：『嘎，ngaiˇ乜曉解夢哩，ngaiˇ測著你這擺較仰仔一定愛留下來趕考，你試想哪!高牆上種菜毋係高種喺？落雨天頭那頂戴笠嫲又手擎遮仔毋係有備無患喺？摎表妹圓身脫光光在眠床項，背囊憑ben等denˋ〈靠著〉背囊，毋係講你翻身機會到哩嗄haˋ？
秀才一聽測著乜盡有道理，就轉到房間盡煞猛讀書趕考，斷真考著『探花』。正七品官職，相當現在縣長職位哩!
這隻故事傳達出『積極个人像日頭光，日頭照到哪位，哪位就會光』，『消極个人像月光華華，渺渺茫茫人生暗淡無光』故所『一隻人有仰吔个愐想，就有仰吔个人生』。摎大家輕鬆分享『講古』之樂。
祝福大家
『話講』頭擺有隻秀才上京趕考，歇在一間店肚裡，考試前兩日伊嗄發吔三隻夢。
第一隻夢係夢到自家在壁項種白菜，第二隻夢係夢著伊落雨天，頭那戴笠嫲又手擎遮仔，第三隻夢係夢到伊同厥表妹，在眠床項圓身脫光光，背囊憑ben等denˋ〈靠著〉背囊。
第二日秀才就遽遽去尋算命先生解夢，算命先生一聽著，就連拍厥大裸鞞講：哀哉哪!你這擺著定斯無希望哩喲!你試愐想哪!高牆上種白菜毋係白費力喺heˋ？落雨天頭那戴笠嫲手又擎遮仔毋係多此一舉吔麼？摎你心愛个表妹圓身脫光光在眠床項，背囊憑ben等denˋ〈靠著〉背囊，毋係講兩儕無緣喺heˋ？
秀才一聽心灰意冷，倒轉店仔黏時包袱仔拿吔就準備退房，店頭家測著盡奇怪就問伊講：『你毋係天光日愛趕考喺?仰今晡日你就愛準備退房回鄉嗄』？
秀才就將伊半夜發夢个事情摎店主講一遍，店頭家一聽煞盡暢講：『嘎，ngaiˇ乜曉解夢哩，ngaiˇ測著你這擺較仰仔一定愛留下來趕考，你試想哪!高牆上種菜毋係高種喺？落雨天頭那頂戴笠嫲又手擎遮仔毋係有備無患喺？摎表妹圓身脫光光在眠床項，背囊憑ben等denˋ〈靠著〉背囊，毋係講你翻身機會到哩嗄haˋ？
秀才一聽測著乜盡有道理，就轉到房間盡煞猛讀書趕考，斷真考著『探花』。正七品官職，相當現在縣長職位哩!
這隻故事傳達出『積極个人像日頭光，日頭照到哪位，哪位就會光』，『消極个人像月光華華，渺渺茫茫人生暗淡無光』故所『一隻人有仰吔个愐想，就有仰吔个人生』。摎大家輕鬆分享『講古』之樂。
祝福大家
``´♥(¯`´♥.¸________ღ☆ღ_________ ¸.♥´´¯)♥´´¯)
☆ ▓▒░☆ 開心滿點，心想事成 ☆░▒▓ ☆
(_¸.♥(_¸.♥´´ ¯¯¯¯¯¯¯¯ღ☆ღ¯¯¯¯¯¯¯¯¯ `´♥.¸_
☆ ▓▒░☆ 開心滿點，心想事成 ☆░▒▓ ☆
(_¸.♥(_¸.♥´´ ¯¯¯¯¯¯¯¯ღ☆ღ¯¯¯¯¯¯¯¯¯ `´♥.¸_
文章標籤
全站熱搜
留言列表
