七里香32
 
 
 
講一隻世間『萬事由命不由人』个故事,畀大家聽!
『話講』宋朝有隻姓楊个員外屋下盡有錢,伊降有一隻妹仔安作『楊秀英』。
有一日楊員外生日,屋下來吔盡多親朋好友來拜壽,伊心肚一暢就對眾人講:世間「萬事由人不由命」。厥妹仔一聽測著厥爸講著毋著就摎厥爸講係:世間「萬事由命不由人!」楊員外一聽盡譴妹仔居然在恁多親朋好友,面前摎伊漏跪。
當下就對妹仔講:你真裝認為『萬事由命不由人嗬?嘎ngaiˇ天光日就將你嫁分姓王个乞食吔看哪哩!』看哪係『由人不由命!」也係『由命不由人!』好麼?
厥妹仔嗄應阿爸講:隨在阿爸安排,伊斯『嫁雞跈雞,嫁狗跈狗!』
楊員外一聽越譴!真裝第二日就將妹仔嫁分姓王个乞食吔!。
奈知這隻千金小姐『秀英』嫁畀姓王个乞食後,兩公婆窮苦罔窮苦,感情和諧日日夫唱婦隨,還降吔兩隻盡得人惜个細倈仔哩。
後來聽講朝庭八千歲『趙德芳』,伊想尋伊失蹤多年个倈仔『碗劃』。吂知嗄發現這隻姓王个乞食仔居然厥細名就安作『碗劃』,八千歲聽著尋著自家失蹤多年个倈仔心情還暢,就將『秀英』歸家人接到京城,共下享受榮華富貴哩喲!
摎大家輕鬆分享『講古』之樂。
祝福大家
 
``´♥(¯`´♥.¸________ღ☆ღ_________ ¸.♥´´¯)♥´´¯)
☆ ▓▒░☆ 開心滿點,心想事成 ☆░▒▓ ☆
(_¸.♥(_¸.♥´´ ¯¯¯¯¯¯¯¯ღ☆ღ¯¯¯¯¯¯¯¯¯ `´♥.¸_
 
 
 
 
arrow
arrow

    愛真 發表在 痞客邦 留言(0) 人氣()