jane3765529的部落格

奉勸大家對外才靚奀zeˋ愛平常心                       

這幾年無知仰吔會譴kienˋ死人〈氣死〉吾圓身嗄變肥固gu固〈又肥又壯〉哩喲!
自家目珠擘bagˋ金看哪這敢係頭擺个ngaiˇ喺?Ngaiˇ對自家心肝肚敨teuˋ一口大氣，當想摎翕hibˋ相機擲ded到壁角。愐著Ngaiˇ日日就係恁樣無閒淬qi汊ca〈忙到不可開交〉，癲倒圓身還係恁作肉〈胖〉愛仰葛煞呢!

自家自退休後在佛堂歸日奉公，負責處理『繪聲繪影』影像上傳。甘係自家無打扮所爭喺?仰吔連頭那毛都蓬pung白〈潔白〉哩啦，目珠搭看人目聚qi聚仔〈眉眼內聚 〉變花花哩，分人看起來實在還奀zeˋ〈醜〉哩!自家還搭恁好嘴斗〈胃口〉，餐餐食到肚笥飽逼bid逼bid仔〈鼓鼓〉哩正壞蹄哪!
看gaiˇ真裝斯愛對自家較保重兜哩喲，係無斯畀繼續肥下去，像這幾張相片恁老相斯會嚇死人个啦?您看哪有像您屋下个老阿婆嗬?

唉哉哪還係莫搭斄哩啦，自家今年係論歲數既經臨兼會60歲來哩，奀zeˋ〈醜〉就放佢奀zeˋ哩喲!做下事〈全部〉頭全放下心思，莫搭斄佢!係無啊今暗晡夜又無目睡〈失眠〉哩喲。 奉勸大家對外才〈外型〉外緣平常心。

還係顧好自家个心情，身體快樂健康最要緊啦!

同大家分享共勉。

祝福大家

`´♥(¯`´♥.¸________ღ☆ღ_________ ¸.♥´´¯)♥´´¯)
☆ ▓▒░☆ 開心滿點，心想事成 ☆░▒▓ ☆
(_¸.♥(_¸.♥´´ ¯¯¯¯¯¯¯¯ღ☆ღ¯¯¯¯¯¯¯¯¯ `´♥.¸_