jane3765529的部落格

記得還細時節吾故鄉『旗山』，該一概農民都耕種儘多弓蕉。

根據日本人醫學研究證實全比大手公講『臺灣弓蕉營養品質好食!』。

您一到青果『辦公室』滿奈都貼滿外銷定單。

吾爸伊識講『六頭弓蕉收成，罅做一身西裝』哩。

弓蕉通膨高級裝船出貨，蕉農每儕斯種著心肝肚暢蹀蹀仔。

故所人稱『旗山』係弓蕉王大產地區，好額人『歇洋房』，屋下寡寡『有大婆細姐』摎『長年工做事』，大頭家有錢『行茶店仔交際應酬』。

『茶店嫲』乜盡精會緊挷搵滿『弓蕉奶衫个蕉農』入來坐。 

吾爸輒常盡懷念講著：『弓蕉王『陳查某』冇輸个王永慶，旗山外銷曾經記錄最高達八萬公頃外銷過。吾兜旗山係最有名个大集散地，吂知一九六八年後青果爆發舞弊案弓蕉滯銷，臺蕉弓蕉慢慢沒落，弓蕉也因爭產量毋控制大量耕種結果嗄得著『黃葉病』，歸埔廠烏蠅轟天價市一瀉千里】。 

該常節吾姆盡好『剝弓蕉燉冰糖』加水，放入電鍋燉當茶啉食講『弓蕉止嗽效果儘好』。乜有人燜青弓蕉來餵豬仔，乜有人研發機器製作『曬弓蕉乾』做零嗒內銷。啊吾兜細人仔最好放學行『弓蕉園』，伸手拗條黃弓蕉食，味緒十分難忘。

摎大家分享!祝福大家

`´♥(¯`´♥.¸________ღ☆ღ_________ ¸.♥´´¯)♥´´¯)
☆ ▓▒░☆ 開心滿點，心想事成 ☆░▒▓ ☆
(_¸.♥(_¸.♥´´ ¯¯¯¯¯¯¯¯ღ☆ღ¯¯¯¯¯¯¯¯¯ `´♥.¸_