jane3765529的部落格

三杯茶 

毋知有人招待您啉limˊ〈喝〉過，恁燒暖个三杯茶無嗬?
救您个生份人還摎您講：奉上第一杯茶你係一個生份人〈陌生人〉，再奉上第二杯茶你係吾个朋友，再奉上第三杯茶你就係吾个屋家人。ngaiˇ會用一生人个生命全心來保護你。

這係盡有名个真實故事“三杯茶”故事大意係講主角“摩頓森”佢係美國人原來係一個登山家，在1992年為著紀念厥死忒个老妹，想摎厥老妹个脖bad鍊〈項鍊〉，掛上世界第二高峰k2時發生了意外，佢同隊友失去了連絡，只留下佢一儕人，山頂項無水又無食物!伊十分幸運，橫vang落〈掉落〉在“巴基斯坦”無人熟識个“柯爾飛”村庄，該村庄當細當偏僻，佢分人熱心救還生哩!在村民細心細意个照護下，厥身體漸漸康復吔!當時佢分村民个好心感動著；“摩頓森”發現當地細人仔，在寒天坐在烏vuˊ趖趖soˇ〈骯髒〉个地泥項上課，用棍仔畫沙仔寫字，村民隻隻窮苦到無錢請先生來教書，“摩頓森”答應一定會轉來為佢兜辦學校，當大家就看衰soiˊ〈看壞〉佢，一儕人个力量真能夠改變世界个時節，佢甘願放棄日常个享受煞猛做事，還有認真募款“摩頓森”做到哩！

佢無停个在美國世界角落奔走，籌足建學校个資金，只愛哪跡位無橋就蓋橋樑，無水源就挖水井，15年過去哩佢陸續在中亞蓋60零間學校，展開教育工程。
看忒這隻故事毋知您心肚會仰般感動嗬?

伊講人生有“愛”就有力量。

講故事摎大家分享共勉!
`´♥(¯`´♥.¸________ღ☆ღ_________ ¸.♥´´¯)♥´´¯)
☆ ▓▒░☆祝福大家 開心滿點，心想事成 ☆░▒▓ ☆
(_¸.♥(_¸.♥´´ ¯¯¯¯¯¯¯¯ღ☆ღ¯¯¯¯¯¯¯¯¯ `´♥.¸_

註解：摩頓森現為中亞協會執行長，中亞協會成立於1996年，主要任務在於促進並提供中亞偏遠山區，孩童受教育機會，特別係細妹仔。