看撮把戲个童年記憶!
在四五十年前屋家吂有電火電視常節,看撮把戲就係一種最高等文化娛樂乜係大人細子最暢个事。愐著佢兜表演者一團人大約無超過十儕人,在暗晡頭東西擺仔就在夥房屋个大禾坪項表演,事前撮把戲團个負責人,會歸庄頭拿等銅鑼仔,在庄頭庄尾滿奈大聲打ㄍㄨㄤ…ㄍㄨㄤ…仔廣播。
餳一群細人仔跈在厥屎胐後背聽,聽轉同屋家大人儕講!暗晡夜有撮把戲喲。
屋家吾姆吾爸就會遽遽早早煮飯洗身,收揪款好些渡大細子揹凳仔去看撮把戲。撮把戲个兜人表演者,儕儕都面項親像糊麵粉一樣,打扮到面白白賁賁還靚哩!
無知您兜還記得該兜戲齣名無嗬?吾兜斯最愛看【李文古】摎【三娘教子】吔!
啊~吾爸斯最愛聽廣告『賣補藥酒』摎『透teu豺saiˇ蟲』健康食品哩喲!
承蒙大家恁相惜來分享!
祝福`´♥(¯`´♥.¸________ღ☆ღ_________ ¸.♥´´¯)♥´´¯)
☆▓▒░☆開心滿點,心想事成☆░▒▓☆
(_¸.♥(_¸.♥´´¯¯¯¯¯¯¯¯ღ☆ღ¯¯¯¯¯¯¯¯¯ `´♥.¸_
註解:撮cotˋ把戲指 野台戲
常節指 時期
si胐vut指 屁股
戲齣cutˋ指 戲名
文章標籤
全站熱搜
留言列表