【不能讓窮苦孩子落入永遠的貧困】《發表在新竹風情第三屆》李家同教授著作－jane3765529的部落格

風信子32

不能讓窮苦孩子落入永遠的貧困華客對譯

★代表華語 ●代表客語

●『使毋得分窮苦細人仔橫入永久个貧困』〈四縣腔〉李家同／暨南國際大學資訊管理系教授（新竹市）
★國家碰到不景氣，非戰之罪，這是全球性的問題，誰也不可能使我們走出不景氣的陰影，但是我們至少應該注意到，我們國家的確有很多很窮困的孩子需要我們的關懷。
●國家堵著無景氣，毋係相爭比背个罪，這係全球性个問題，麼人乜無辦法分ngaiˇ兜行出無景氣个暗影，毋過ngaiˇ兜最少應該注意著，ngaiˇ兜个國⋯⋯家確實有盡多盡窮苦个細人仔需要ngaiˇ兜去關心摎幫忙。
★從新聞中，我們發現桃園縣有一萬名學童交不起營養午餐費用；教育部也承認有七萬名學童交不起為數不多的學雜費。從這些資料中，我們不妨坦白承認，我們正面臨史無前例的危機。
●對新聞裡肚，ngaiˇ兜發現桃園縣有一萬名儕學童繳毋出營養午餐費用；教育部乜承認有七萬名儕，學童繳毋出數目無多个學雜費。在這兜記載資料裡肚，ngaiˇ兜做得坦白承認，ngaiˇ兜教育既經堵著有史以來從來無个危機哩。
★這些窮困孩子的唯一希望來自教育，如果他們在孩童時代沒有受到良好的教育，長大以後就一定沒有競爭力，他們的父母已是弱勢團體，他們將來就會繼續成為弱勢團體，這就是所謂永久貧窮的族群。
●這兜窮困細人仔唯一个希望來自教育，假使佢兜在兒童時代，就無受著良好个教育，長大以後就一定無好个競爭力，對佢兜个爺娘來講已經係弱勢團體吔，佢兜將來一定又會繼續變成弱勢團體，這就係人所講『永久貧窮个族群』。
★為什麼這些窮孩子可能受不到良好教育呢？任何一個小孩子發現他無法交學雜費和營養午餐費用，他們多多少少會對唸書心灰意懶。國小孩子比較不嚴重，國中孩子碰到這種情形，一方面覺得唸書沒有什麼意思，另一方面是他們都只想找一些賺錢的機會。
●做麼該這兜窮苦細人仔會恁吔無受著良好教育呢？無論哪一隻細人仔發現佢自家屋下無法度繳出學雜費，摎營養午餐費用，佢兜多少都會對讀書心灰意冷。根據調查國小細人仔還較細較無恁嚴重，國中細人仔年紀較大堵著這種情況，一方面會感覺著讀書沒麼个意思，另一方面佢兜都會緊想尋一隻賺錢个頭路摎機會哩。
★試想一個家境非常不好的國中孩子，除非他非常聰明，否則他知道，他一定不能和其他家境好的同學競爭，他買不起參考書，當然也上不了補習班，學不了任何才藝，沒有能力參加任何甄試。他最多能夠從國中畢業，但是畢業以後又怎麼辦呢？他最多考上私立的高職，即使考上了，他也付不起學費。他心知肚明，國中畢業以後，他就要找工作了。既然如此，他又何必唸書呢？
●試想啊一隻家庭環境十分差个國中細人仔，除忒佢十分聰明以外，無就係佢盡清楚，佢定著無可能摎其他好額人个同學競爭，佢買毋起參考書，照理講乜無辦法去補習班補習，學毋起任何个才藝，乜無能力參加麼个甄試。佢最多能夠讀到國中畢業，畢業以後又仰結煞呢？佢最多考上私立高職，假使考上吔佢兜乜繳毋起學費。佢兜心肝肚清楚國中畢業以後，佢兜就愛尋頭路做吔。恁樣型佢又何必讀書呢？
★我們所推行的教改往往使這種情形雪上加霜。在過去，參考書沒有這麼貴，現在這些參考書貴得離譜。在過去，老師很少要求家長一起參與孩子的學習，現在家長常常被要求幫助孩子成長，但是這些孩子發現他們的父母根本幫不上忙，父母不是太忙，就是已經失業，沒有心情，也沒有能力幫助他們。在過去，老師不會要求孩子上網，現在老師要求孩子上網去查資料，這些孩子家裡當然沒有電腦，更不要說上網了。
●ngaiˇ兜教育部所推行个教改內容輒輒分這兜情況更加困難。在頭擺參考書無恁貴，這下這兜參考書嗄貴著嚇死人。在頭擺先生伊兜盡少愛家長共下參加細人仔个學習，這時代家長輒輒畀教育要求愛ten手細人仔成長，毋過這兜細人仔嗄發現佢兜个爺娘根本就無法度ten手佢兜，爺哀毋係無閒就係已經失業，無心情，乜無才情ten手佢兜。在頭擺先生不會愛細人仔上網，現代先生嗄愛細人仔上網去查資料，這兜細人仔屋下照理講乜無電腦，更加毋使講上網吔。
★尤其最嚴重的仍然是英文問題，政府瘋狂的重視英文使很多家境好的孩子早就學好了英文，這些窮小孩子呢？他們往往只有交白卷的份。最近我又收了一個家境不好的孩子作為學生，打開課本的第一頁，他只認得一個字。如果不是我做他的家教，他早就放棄英文了。
●更加還嚴重个還係學習英文个問題，政府像神經病个一樣，恁重視英文嗄分盡多好額人个細人仔早早就學好英文，這兜窮苦細人仔呢？佢兜輒輒淨有繳白卷个份。最近ngaiˇ又收著一隻家庭環境毋好个細人仔做吾个學生仔，打開課本个第一頁，佢淨認識一個字定。假使若毋係ngaiˇ做佢个家教先生，佢早就放忒讀英文吔。
★其實我還擔心另一個更加危險的情形：有一部份窮小孩子可能被黑道吸收去。不相信的話，我們不妨去看看誰在賣盜版光碟，幾乎全部是國中年紀的小孩子，他們是壞孩子嗎？應該不是，他們的共同特徵是家境不好，販賣非法光碟是犯法的，但警察往往不忍心抓這些小孩子，製造非法光碟的壞人知道司法界不會嚴厲對付這些小孩子，所以我們好像永遠解決不了盜版光碟的問題。一個家庭交不起一個月六百元的午餐費用，很有可能這個家庭的晚餐也不豐富了。孩子正在發育階段，營養不良一定會對他們的健康造成永久性不良的影響。
●其實ngaiˇ還當心焦另一隻還危險个情況：有一部份窮苦細人仔可能分黑社會吸收去。大家無相信个話，ngaiˇ兜使得去看看係麼人在販賣盜版光碟，市場強強變成通膨係國中年紀个細人仔在販賣哩喲，佢兜係壞細人仔無啊？應該毋係啦!佢兜个共同特色係家境毋好，販賣非法光碟係犯法个，毋過巡察輒輒毋盼得抓這兜細人仔，製造非法光碟个壞人，知得司法界毋會嚴格對付這兜細人仔，故所ngaiˇ兜嗄盡像變做永遠無法解決盜版光碟這隻問題哩。對一隻家庭繳毋起一隻月六百銀个營養午餐費用，盡有可能這隻家庭个晚餐乜毋會澎湃吔。細人仔正在發育階段，營養毋好，一定會對佢兜个健康造成永久性無好个影響。
★說了這些洩氣的話，我要拋磚引玉，提出幾個具體的建議：
●講束這兜漏氣个話，ngaiˇ愛拋磚引玉，提出幾隻較實際个建議：
★（一）我希望政府能發行食物券，專門給低收入戶家庭，使他們每頓飯都有足夠的營養，我們給錢給人家，萬一他拿去喝酒怎麼辦，給食物券，是可以保證錢沒有浪費掉的，這樣，至少孩子的營養可以保持住。
●（一）ngaiˇ希望政府能發行食物券，專門發分低收入戶家庭，分佢兜逐餐食飯都有充足个營養，ngaiˇ兜發錢分人家，考慮萬一佢兜拿去啉酒吔仰結煞，發食物券有好處，係做得保證這兜錢銀毋會浪費忒，恁樣型最少細人仔个營養就使得保持著。
★（二）我建議教育部聘請大學生來幫助窮小孩子唸書。我曾建議過，教育部不理會我，我只好在此再提一次。如果教育部不理我，我就希望我國的慈善團體肯做這件事。暨南大學已和一個公益團體合作，這個團體出錢，暨大學生做窮小孩子的家教，我們的觀念是：能救幾個就救幾個。
●（二）ngaiˇ建議教育部愛聘請大學生來，ten手教窮苦細人仔讀書。ngaiˇ曾經建議過，毋過教育部嗄毋搭漦ngaiˇ，ngaiˇ只好在這再提醒一擺。假使教育部毋搭漦ngaiˇ，ngaiˇ就希望ngaiˇ兜國家个慈善團體願意來做這件事。目前暨南大學已經摎一家公益團體合作，這家慈善團體願意出錢，由暨南大學大學生來做窮苦細人仔个家教先生，ngaiˇ兜个觀念係能救幾多儕就救幾多儕。
★（三）教育部應該出版一些便宜的參考書，使得窮小孩子也可以接觸到參考書。如果教育部不肯做（多半是不肯的），我很可能找人來做，我們作者們不拿任何版稅，編版也力求簡單，裡面沒有精美的圖片，但是有大批的例題和習題，希望我們能找到一家出版商能以最低的價格來發行這種參考書，使得參考書不再是有錢孩子們的特權。
●（三）教育部應該出版一息便宜个參考書，使得分窮苦細人仔乜做得接觸著參考書。假使教育部毋肯做（多半係毋肯做个），ngaiˇ盡可能尋人來做，ngaiˇ兜作者完全無拿任何版稅，編版乜力求簡單，裡肚無靚靚个圖案，毋過有大量个例題摎習題，希望ngaiˇ兜能尋著一家出版商，能夠用最低个價數，來發行這種參考書，使得用參考書毋會單淨係好額人佢兜細人仔个特權。
★（四）政府必須注意黑道在引誘窮小孩子的問題。內政部、法務部和教育部必須一起合作，才能保護住我們的下一代。
誰都不喜歡聽不愉快的消息，我也不願意使我們的社會感到不安，但是我絕對沒有危言聳聽。任何一個國家遇到全球性的不景氣，一定會有窮困家庭的，我們很難揮動一個魔杖，使全國的窮人都脫離貧困，但我們要採取行動，使窮人的下一代不至於落入永遠性的貧困循環中去。
●（四）政府必須愛注意黑社會在拐騙窮苦細人仔个問題。內政部、法務部摎教育部必須共同合作，正能保護ngaiˇ兜个下一代。
麼人都無中意聽無爽快个消息，ngaiˇ乜無願意分ngaiˇ兜个社會感覺著無安全，毋過ngaiˇ絕對無嚇人。無論哪一隻國家堵著全球性个無景氣，一定會有窮困家庭產生个，ngaiˇ兜無辦法搖動一枝魔杖，分全國个窮苦人都脫離貧困，但係ngaiˇ兜愛採取行動，分窮苦人个下一代毋會再落入永久性个貧困循環環境肚裡去。