jane3765529的部落格

 風搓caiˊ您仰會恁孽ngiag生呢! 

 
聽著風搓caiˊ若个名聲就還得人驚哩喲! 你分細人仔毋敢上課，大人毋敢上班，老人家毋敢出門，因爭您自從就毋識做過好个模範分人看。

您總係想來就來、想去就去，親像隻無法控制脾氣个癲仔一樣。
您不管看著人、也係看著屋仔、看著車仔、看著樹仔、看著農作物你就一概無順眼就著。親像大家都得勢您一樣您發譴kienˋ項來，一氣擺黏時兩下半吔就將大地變色，摎地球搞著像垃圾堆一樣，衛生搣著屙哩八糟還得人畏哩。⋯⋯

您啊親像無愛命个癲仔一樣煞力牯吹，吹著天烏地暗，大水轟轟滾將農作物滅忒。滿奈建築物横忒，分人傷亡害人民受苦受難，分電視緊報你啊還得人驚喲!

風搓啊!難道您敢斯係恁無良心，又恁得人驚个壞人喺?
您真裝係恁孽ngiag生毋會後悔，無想愛分子子孫孫學習若个好脾氣喺?
風搓啊!您使得分ngaiˇ參詳一下無啊? 請你心定下來愐想一下吔，將脾氣好好改進一下啦!多積德做隻有禮貌親切斯文个好風搓，分大地回春、風調雨順。一直受人民祭拜个『好風搓』好無啊! 摎大家分享
祝福大家

★¸.•°*”˜˜”*°•.¸☆ ★ ☆¸.•°*”˜˜”*°•.¸★
☆(¯`*•.¸ . 好心情 幸運相隨. . ¸.•*´¯) ☆
★¸.•°*”˜˜”*°•.¸☆ ★ ☆¸.•°*”˜˜”*°•.¸★
☆´`•.¸¸.日日 開心 快樂 幸福 健康 ★.¸.•

´
註解：
風搓caiˊ：颱風
孽ngiag生：作壞榜樣!
癲仔：瘋子
發譴kienˋ：發脾氣
屙oˊ哩八糟zoˊ：骯髒